يـــــا شــهــيـــد

الأربعاء : 8 - مارس - 2017 | 6:27 مساء
يـــــا شــهــيـــد
كتب :: الشاعر: عبد الله الموصلي : العراق

جنا نضحك أنا وياك 
وشحلات بوجهك الضحكة 
أذكر كلشي الحجيناه 
وأذكر سوالفك كل لحضه
من تصفن اباوع عليك 
ومن تحجي كلامك اسمعه
وجنت ماتبخل للينخاك 
وشحلات الزين من يوكف لربعه 
بطل وما خاف من الموت 
والموت استحى من شاف صبره 
شهيد والعلم هوه تمناه 
وطعم الشهادة مو كلمن يحصله 
وادري الجرح كل مايبطي يزود 
والمشكلة من تطول الفركه 
وأكلك ما أشك هدومي عليك 
من اقرأ القرآن يجاسم اسمك أذكره
وأنت ياشهم مامتت اليوم
بشهادة كل اهلك مفتخرة 
سلاما عليك من ولدت بدنياك 
وسلاما عليك من تلاكي  الزهرة
 

 

 


الكمات الدالة


التعليقات

مشاركتك بالتعليق تعنى أنك قرأت بروتوكول نشر التعليقات على بوابة اخبار التعليم ، وأنك تتحمل المسئولية الأدبية والقانونية عن نشر هذا التعليق


مرتضى ابو عقيل - رئيس التحرير
آخر افتكاسات التعليم العالى